Родны край! Зямля святая.
Ля дарогі здань царквы.
Кружыць бусел па-над гаем,
Зелянеюць паплавы.
Ўсё тут міла. Сустракаем
Мы з бусламі зноў вясну.
Родны край! Зямля святая.
Я люблю цябе адну.
Ты, як маці, дарагая.
Ты адна такая ёсць.
Беларусь – зямля святая,
Гаспадар я тут, не госць.
Я ўладар тваіх палетак,
П’ю з жывых тваіх крыніц.
І вясну люблю, і лета,
З яго россыпам суніц.
Я народ люблю працоўны,
Гераічны вольны шлях.
Наш характар памяркоўны,
Хвалі збожжа на палях.
Водор кветак, водар сена,
Росы чыстыя ў лугах…
Пра цябе спяваць прыемна,
Па тваіх блукаць барах.
Хай квітнее, багацее
Незалежны родны кут.
Мы жывём з адной надзеяй,
Што ўсім добра будзе тут!
Родный кут
© Copyright: Михаил Курило, 2016
Свидетельство о публикации №116101605210
Свидетельство о публикации №116101605210
Рецензии