Хъебехъ, кьан дар

ХЪЕБЕХЪ, КЬАН ДАР

Фйир вуйив чІуру ляхнар, улар мучІу апІурайир?
Жини-жиниди мучІушнаъ, узуз зийнар гьаърана?
Гьаз дерккнава узу ичІ’ин миржибна гьацІ икІ али?
Фукьансан чІилли ккадапІуз ккимива бейнава юкІв
Увхъанди убгурайи улубкьурайи аьхир шайиз?

Гъапунзавуз, ктубхунзавуз завариз ккадаркури.
Улупунзавуз – гъябкъюнвуз, гъучвубкьунва, гъициркъу кас.
Гаф тувнийва, швумал гъахьнийва, хил алдабгъ гъапнийва…
КІурбаригъ гъяйи меркк ебцІуз гъибтрайи яв кафарийи.

Кафтар ккутІубккуз яв канчІариккан ккун гъабхьундарвуз.
Йишвди-йигъди гъянак кучрайи Масанвал тина гъапІунва.
«Иццрушнарна аьзиятар фу бал’ар гъашида», – кІурава,
Лайикь вуйибдиз лайикьлу кьимат му вуйиб аьгъдарди.

Даккунди вушра сабансан пузавуз, ккунди вуйи даккнир:
Дагъларигъ гъяйи нир дийибгъидар уву ктучІайиз.
Улар дитІиршну лиг, гъирагъар багахь-багахь шуладар –
Жикъи шулайи хилар гьачІарккуз узхьан удубкьидар.

ГьапІза? Гежехайрар узуз кІурана, дарш узу увуз?
Эпни беден дипну йиз улар увухъди хъа, даккундайир!
Фу чара апІуза? Хъана текрар шлуб дар аьхир уьмур.
КьутІкьал гъабхьунзуз думу, шаду жарабдиз ккилигури
Узухъди увура гъахуз дина яман умуд кади.