ДУСТ К1ВАЗ МАСАН
Фуж ву йиз дуст духьну ккунир?
Айк1ан яраб узуз дицир?
Ав, аьгъязуз Айир Гьацир…
Хъа увхьан шулин хьуз дицир?
Узу фицир вуш чан гьаци
Ккун ап1ру кас шуйк1ан яраб?
Узухъди учвра кац1ри
Юк1в ап1рур шуйк1ан кабаб?
Йиз жилгъа ктабгъуз ккайир,
Явнуб наан гъибтуз ккава?
Жвув жувхьан гьерграйир,
Фици узухьна гъюз ккава?
Фикир мап1ан шулзухьан к1ури
Инсандихьан думу шлуб дар.
Дуст хьуз ккундузуз к1ури
Душман шлубси дарибшри гьа.
Му дюньяйин агьна люкьян
Уз’ин алиб аьгъяйвуз?
Му дюньяйи душмнарин душман
Узкан кадаънайиб хабар айвуз?
Дурари гат1абхьру ахту
Йиз терефназди йивура.
Чпи гъап1у чиркин хъархъсар
Хъирифну хил сар узук кахьра.
Шлиз ккунду йиз ижми дуст хьуз?
Аьгъю йибхь увузра гьаци ап1руб.
Ваъ, дуст, увуз гуч1 ккап1радарза.
Хъа вардин ап1руб – дарин гуч1баан?
Дуст к1ваз масан
© Copyright: Рашид Азизов 2, 2016
Свидетельство о публикации №116101200387
Свидетельство о публикации №116101200387
Рецензии