ЖВУВАН ГЪУНШИ
Гьарайнахъ хулар дирчну жаргъураза…
Гъуншди йиз хулан гъайгъу зигурайиз.
Магьа шадвалин мярака т1ап1наза
Мяракайин к1улиъ деъну гъунши айиз.
Узу нягьякь вуш, ужагъ гьякь ап1ури
Жвув кжакури кьяляхъ гъунши хъайиз.
Узу гьякь вуш, йиз гъиллигъ нягьякь ап1ури
Гъуншдин тягьна кац1у ибарихъ хъайиз.
Наан ашра, фужар хъашра, жвуван гъунши
Йиз рюгьси вузуз гъайгъу зигурайи.
К1ван хияларин марццишин ва ккунишин
Дугъан багъдихъ хъубзраза кюкдихъ хъайи…
Жвуван гъунши
© Copyright: Рашид Азизов 2, 2016
Свидетельство о публикации №116101200346
Свидетельство о публикации №116101200346
Рецензии