Инкъилабдин ал пайдахдал
куьк1венай вун са чирагъ хьиз.
Лежберрини вал дамахдай,
куьрпейриз тир экуь рагъ хьиз.
припев: Бахтлувилин нур я вун,
чи хуьруьн абур я вун,
илимдин макан, школа.
Мич1ивилин перде падна,
нурлу рекьиз гъана на эл.
Авамвилин рекьер кьат1на,
илимдихъни тухвана гел.
припев виликанди
Ви суьрейрихъ хьана дигмиш
гьар жуьре дад галай емиш.
Алим , духтур ийиз битмиш,
са асирда хьана вердиш.
припев виликанди
Шихидхуьре к1елай картар
чи уьлкведин гьар пип1ева.
Рик1елай фич, азиз дустар,
школа даим рик1ева.
припев виликанди
Школадин дустар сагърай,
юбилейдин югъ тебрикиз.
Школадин гатфар сагърай,
бул бегьердин зул тебрикиз.
припев виликанди.
Школадин юбилейдиз
© Copyright: Нажмудин Шихнабиев 2, 2016
Свидетельство о публикации №116101210048
Свидетельство о публикации №116101210048
Рецензии