Ругудар, бендер-рик1ин дердер

             -1-
Къалум хьана ч1уру азар !
Уьлкве -базар,халкь я бизар.
Дишегьлияр-чантачияр,
Ери квахьай къарачияр.
Пхчайрин пар кьуна к1улал,
 Рик1елламач хзанни к1вал.
              -2-

 Агъур к1валах садазни нуш
Жезмач ерли,рик1из к1ан туш.
Гун-къачун я рик1евайди,
Герек къвезмач ник1евайди.
Сад гуз,кьвед къвез хьанва вердиш.
Лагь,вуч фад куьн хьана дегиш ?

               -3-
Садбур сик1ер,садбур къуьрер,
 Жанавурар, незвай хипер.
Садбур к1асдай иланар я,
Винелай чеб инсанар я.
Ери тамун рук жезава,
Чи къанажагъ руг жезава.
                -4-
Садбур гъидай дуллухарихъ,
Галтугнава къуллугъарихъ.
Келледа зат1 авачт1ани,
Халкь гьич рик1ел алачт1ани.
К1анзавайди гьакимдин т1вар
 Я,аквадайвал вичин кар.

                -5-
Халкьди к1ват1ай девлетни мал
 Талан-тараш авун патал
Сада садав гузвач мажал.
Гьарамдин фу ширин я жал ?!
Гьа саягъда инезвай фу
 Къенер кана,пад хьуй руфун.