БИЦIИ ЧУЧЧУН ИХТИЛАТ
Ич бицIи нини
гизаф ккундузуз.
Чан хилар гьили
куркIну хуш вузуз.
Дугъан гъяни инчI
йизра шадвал ву.
Бисайи йиз канчI
чахьна зигуру.
Гьацирич нини
варитIан ккуни.
Дахъна чаз гьии
дадайин уни.
Дугъан ччвур пуза:
Аьзиз-бай кIуру.
Сарун фу кIуза ? –
Узуз аьлхъюб хуру.
Ич дадайи кIур:
"Ихь ккуни Аьзиз
шулу аь-аьхю
Ургуд йис шайиз.
Думуган дугъу
дарсар урхури
чан чи хътитуру,
кIваълан апIури".
Вушра йиз гьунар
ич Аьзизрихьан
тадабгъуз хьибдар,
я – гьич сарихьан.
Магьа узухъ дарш,
хъебехъ, фици дарс
кIваълан кIурадарш!
Гъахьир дарза тарс.
Узуси ич нини
вердиш ктаурза.
Ухди хьуз дири
хабахъ дисурза.
Зат диришрийир
гъишну ич Аьзиз.
ДапIну тамашйир
гъаахну аьзиз.
Гъишну думу гьаз? -
Шинт кьяши гъапIган.
Зат ккуниб дар чаз
марцциди адруган.
Сарун, гъи думу,
ахуз ккаунза.
Ич шинт дабкьну
мина гъафунза…
Биц1и чуччун ихтилат
© Copyright: Рашид Азизов 2, 2016
Свидетельство о публикации №116100910568
Свидетельство о публикации №116100910568
Рецензии