Ккуни дуст

                ККУНИ ДУСТ
                (Шикил)

Йиз ккуни дуст Иса вуйиз.
Дугъхьан шуйи, йиз гунгьариз дилигну узу йивну йикIуз.
Пагь, узу узлантина фукьандариз гирнар ктаъну?!
Эгер узу дурарин ихтиярназ тувнийиш, йивну гъядяуйи, чвлу кIаж гьаргъян
       гъидипруси.
Хъа узухъ Дуст хъазухъ!
Дугъу Чав узу Чазди ктагъну.
Дугъу гъапунзуз: "Рашид, уву гунагькар вува. Увуз, яв гунгьариз гъилигу жаза
       гьадабтIну ккунду. Хъа жаза гьадабтIуруш, уву Йиз улхьан терг
       дапIну ккунду. Узу аьгь апIрур дарза намусузвал. Увуз рубкьурайиб ву
       йикIувал! ГучI мапIан уву, Узу вуза уву халкь ГъапIур ва увхъанди, Узу
       инсан духьну, Йиз жан апIидиза гъурбан!"
Гьамци, Йиз Дустру узхъанди Чан гунагь ктру жан гьяйиф дарди кьюд агъзур йис
       мидиз улихьна гъурбан гъапIну хачриин.
Узуз мидкан аьгъю гъабхьиган, душну ккархьунза Дугъан ликарикк: "Уву узу гьамкьан
       ккун гьаз гъапIунва,  гунагь Ктрур, гунагькрихъанди, Яв Аллагьвалин жан
       фида гьаз гъапIунва?! Эй, йиз Дуст, Уву хил алдабгъ узлан! Узхьан йиз
       кфир жан Увуси Дуструхъан гьяйиф дарапIди тувуз гъабхьундарзухьан.
       Уву, хъана, эй йиз аьзиз Дуст, узлан хил алдабгъава! Уву гъакIунва 
       узхъанди, хъа узу чIивиди гъузну! Узу гъапIу чIуруваларихъанди Уву кьимат
       тувунва, эй йиз багьа Дуст, Яв узухьна вуйи ккунивали узу вари 
       гъадагъунва! Узу Увхъанди сарун фици апIуза йиз жан гьяйиф! Йиз Дуст,
       Яв масанвали узу уягъ гъапIну, Яв  ккунивали йиз рюгь хъергну - хъана
       хил алдабгъ йиз  гунгьарилан, жан масан Рабби! Сар Уву вуйиз дуст,
       йиз хил Гъибисур гьаммишандиз!"
Йиз ккуни Дуст гьаму Иса вуйиз!