К1ахаб-росойиан вуйи игитриз

                КIАХАБ-РОСОЙИАН ВУЙИ ИГИТРИЗ
                (Шикил)

Увкан, Мягьмуд, школайиъ гъурхунза: гъабхьундарзуз аьгъю гьич фукIара.
Мялимди кивунчуз дарс, хъа думу мялим, чав киву дарсназ гъилигур вуйда.
Уву гъурхну варидари, мегьел уву аьгъю гъахьир алахъундарзуз, хъа уву фуж-вуш
       аьгъюдари ачухъ гъапIундар.
Уву кIваълан гъапIну гизафдари, хъа мегьел яв дерди кIваъ айир гъидихъундарзуз.
Увкан кIура юбилеяриъ, Мягьмудан юкIв мюгьюббатди абцIнайиб ву кIури.
Увкан кIура юкIв улубкьнайидари, яв юкIв Шлиин улубкьнайиш аьгъдарди.
Я Мягьмуд, яв шиърар дигиш апIура гьар деври чаз гъилигубси.
Я Мягьмуд, уву гьамцир ву кIура - гьацитIан артухъ дугъан фагьмиъ убшрадар.
Узуз гьибгъразуз яв дерд ва иман.
АдабтIнияв аьхир, амрари аман.
Фукьан гьюжмар гъапIну кьазйири, гьитну чпин улихь маллйирна халкь ув'инна!
Шулдайва мютIюгъ иблисдиз, аьгъяди, адмийир диди чаз ккуниси дабалгнайиган.
Шулдайва мютIюгъ пайгъамбар ктаърудариз, аьгъяди, думу гьацир дапIнайиб
       чпин девлетназ.
Увуз гъибихъунвуз гьякь Гаф, Иса Месигьди Чан Адашдихьан жилариинна дубхну.
Увуз гъидихъунвуз гьякь пайгъамбар, Аллагьдин Балин улихьди рякъ ккабалгуз дуфну.
Дайинхъа яв ккунивал Марьямдиз, марцци шуру гъахиган гунагь Ктрур!
Дайинхъа яв масанвал Исайихьна - дугъри гаф, намус хьади ухьухьна Гъафирихьна!
Гьарай апIин, эй нигь гъаши Мягьмуд, учву наанди хъахъначва кIури эллериз!
Гъян айтIлан апIин, набши яв умуд - нур деебт рюгьнан увхьан му аьсрариз,
       дагъустан халкьарин лайикьлу игит!
Увуз кIур игит, рабгъруриз мюгьюббат!
Уву иправа халкьдин арайиъ масанвал!
"Яракъ дипай, думу дябкъну ккундарзуз!" - уву дайна яв динчйириз юкIв абцIну
       гъапир!
Дявйир апIуру, гъярхьру, хъял бисуру, сари тмунур йивну йикIуру, хъасин,
       "магьа игит, магьа игит, гьамгъухъан дубгъай хьуз дирбаш", кIури гучIбяхин
       ад ипру варишвариъ.
Теле-радио-газет-журнал-китабарикан гьудрубкIди, футнийир деетбииндира
       халкьдин фагьум чпин чIуру кьастар тамам хьпахъинди хъипру ва аьлхъюри,
       ксиб ктабгъури лицуру юбилеяр апIури, улхьан дулхайин,  ипIруб
       кIваъ абхъну, хъа дубхъну "гюзеларихъди", хилар ктатуз юкIв абцIну,
       гьар сабишвахьди жин шулу.
Халкьдира гурлу гарччлар гьисслуди йивуру: "чухсагъул игитариз! Яшамиш ишри
       ихь аьхюрар!" апIури.
Халкь тIараш гъапIур - игит шулу.
Табиаьтдин ухьуз рукьру девлетар масу инсаф ва гьяйиф дарди туврур  - игит шулу.
Халкьдиин гъяаьлхъюр - игит шулу, тадабгъубдин агъзурдикан саб пай кьяляхъ тувиш.
Халкьар чиб-чпигъ гъяур - игит шулу, гьаддиинди ацIну хъа чIяаьн гъапир.
Кафтар - игит шулу, кьяппавал апIури, папрус - ушвнигъ, ичкки гъухригъ гъяйир.
Гьамциб "намус-гъир'ят" хъайир, гъир'ятдихъ фун хъайир - игит шулу гьюкмин кIулиъ
       айидариз.
Я Мягьмуд, гьугъубжвнийиз гьаз гъапундайва, цIийи дин ачмиш апIин
       дупназуз кIури?!
Шубур-юкьур шив гьаз гъахундайва, мюгьюббат саризтIан шлуб дарки кIури?!
Яв терефкрар уч дапIну, халкьар талаф апIуз къушум гьаз арайиз гъабхундарва,
       Кьаркьулиин гадар дапIну, табасаран халкь къирмиш апIидийва, Аллагьди Чан
       гьюкум гьамци дебкк дупназуз кIури?!
Дюн'яйиин зурба кас духьнахьидийвукан, Мягьмуд гьякь ву кIури!
Яв майтиз икрам апIурахьидийча, Аллагь кIваълан гьархну, яв терефназди йигъан
       варжбан кIул жилик йивури!
Я Мягьмуд, кIваъ чIуру кьаст гьаз гъибисундайва, тмунуриз зарал-зиян
       апIарза кIури?!
Магьа "игит" духьнахьидийва ВаритIанзаанурин Рюгьну ацIнайир кIури,
       тIараш гъапIубдиинди яшамиш шули?!
Я Мягьмуд, яв кьазиди гьаз гъузундайва, магьа увура  зурба "алим" хьидийва?!
Я Мягьмуд, "ав, ав" гьаз гъапундайва, магьа аваристандинси афгъанистандинра
       зат кIваълан гьадрархру имам хьидийва?!
Увуз дишагьли сартIан гьаз ккун гъахьундарвуз?
Гъи лиг, "игитарин" дурар швнур шулуш!
Уву Раббийин гаф гьаз гъючIюбгъюндайва, магьа амрарин "пайгъамбар" вухьидийва?!
Я Мягьмуд, увуз масанвал наънан гъабхьунвуз, уву му дюн'яйиан дайна?!
Я Мягьмуд, яв юкIв гьаз атIабццунва, дарш яв деврин кьукьар гьуркIундайвуз?!
Я Мягьмуд, ичв маллайихъ гьаз хъпехъундарва, халкьариин гьялкьйир
       алауз дубгъури?!
Кьюб маш гъивну уьл гьаз гъипIундарва, гъи варитIан "игит" ва "Шамиларин Шамил"
       вухьидийва?
Иблисдихъан гьаз гъудубгъундарва, Раббийиз къаршу удучIвну дюн'я ккидипуз?!
"Игитриси": "йиз ругар, йиз ватан" гьаз гъапундайва, имбуну йишвар ва миллетар
       Заанурин дарубси?!
Йиз тягьнийирин уву гъавриъ ахъ: игит шулуш масанвалилантина шлуб ву.
Игитрин бин АллагьИса ккун апIбалантина ккебгъра.
УвутIан артухъ игит удучIври магьа авар халкьдиз!
Хъа вушра фурс мапIан, Раббийин гъурбан кьабул гъапIур!
ЦIиб аьгъдарди дархьуз яв халкьдин арайиъра увусдар игитар: ялавну ацIнайидар,
      Гирами Рюгьну уьлюрхнайидар ва сар ихь Агъа Исайиз, яна Раббийиз икрам апIурайидар - магьа Игитар!
За апIин, Адаш, дурар, Яв ад халкьариз Мягьмудуси рабгърудар!