Кумирар

КУМИРАР
(Шикил)

Люкьсир ву, кIури шулу, заанди тIирхури.
Баладарзуз йиз парпар вушра!
Дагъларин жейрансир ву кIури шулу.
Баладарзуз йиз гъютIрахьим вушра!
Якьут-мержансир ву кIури шулу.
Баладарзуз уртим али, сасри гъабгъу гъвансир вушра.
Ригъсир, аслансир, миркксир, дагъсир, гъяни марччсир, ... кIури шулу.
Баладарзуз, гъитай узу йиз гьудруркIу адмиди.
Гьаз ву хъа йиз дици вуш му жилариин алмиди?
Инсанвалин лишнар жандин фицдар вуш аьгъдарди?
Кайи гъиллигъар, хасиятар ва ляхнар гьяракатниинди, нахшрарна гьяйванатар
          мидихь-тдихъ лайикьсуз ттитIри?
Наанакьан заъхьа "Динчи", "Ккунир", "Игит", "Пягьливан", "Алим",  "Гъуллугъчи",
          "Футначи" ва "ТIарашчи"?!
Му анжагъ чан сар гьаму касди гъазанмиш гъапIу гьунар вуйин?
Фукьан апIухьа кумирариз икрам, давди адмийир идолариз илтIикIури!
Гьаз кIваълан душна му гафар ихь Адашдин: "УзутIан артухъ учвуз фужкIа
          даришри ккун"?
Люкьрак хлинццар Кивурра, жейрандиз юруш Тувурра, якьут-мержан, ригъар-амсар - вари ГъапIурра дайинхъа Гьадму Иса, "Динчйирихъандира", "Ккунирихъандира", ... ва 
          "ТIарашчийихъандира" жан тувну, гьадрарин гьунарар за ГъапIур?!...
Гуж хътарш хтIил хътабкуз шулин?
Хьад дарш гьари йимиш тувурин?
Ясана, Адаш дарш дюн'я арайиз гъюрин?
Читинвалариъ ахъган, "Я жан Аллагь!" кIури Дугъахьна гьаз жаргъурва,
           яв кумирикан кюмек ккун дарапIди?
Эй учву, фу бадали, шлихъ ва фтихъ хъирчхьа ихь юкIвар?!
Гьей, гьей, гьей!
Уву халкь ГъапIур хьиди уву уьрхрур.
Жарари уьрхидарву думу Йигъан.
АпIин уву гьамци варидиз гъарай-фигъан!
Йигъар гьарган гъюри гъузидар мицдар йигъан-йигъан!