Наслариз ишигъ

НАСЛАРИЗ ИШИГЪ

Я аба, учуз сафди хъана йипа,
Яв бедендиин фициб мешреб гъабхьнуш?
Диндин жигьатариъ фици юкIв гьапIнуш,
Йипа, аба, хъана кIваин абкъина?

Мирза-халури кIура: лик ккадарзукк,
Талаф дубхьну диндин зегьерлу гъарзукк.
Я аба, учву фици гъахьнуш кидабта?
Учуз, ичв наслариз сацIиб ебхьрида!

Я аба, думуган миж фтикан вуйчвуз,
ЧIуру бягьсум кIул'инна гъафидарин?
Гъийин хуш йигъ гьугъубжвурикьан шуйчвуз,
ЦIин ритнин аржлариин алидарин?

Я аба, кур залумат думугандин,
Кидибта учву фици гъалиб гъапIнуш?
ЧIиви гъахьи Агъа Табасарандин,
Хъана йипа, хизанариз фици гъафнуш?

Учуз дярябкъюбдин шагьидар вучва,
Заварин Агъайи табшурмиш дапIну.
Наслариз Исайин масанвал тувунчва,
Гьарсар сифте Заанури ккун дапIну.

Жикъи иблисин гъахьиган метлебар,
Ичв жандин тегьерар наан айичв?
Дуркънайидарин ягьлу хасиятар,
Му вядайи аьсрариз гъидиснийин?

Гъи, накьси, жигьиларин улихь хьачва.
Закурра гъиси, учухъди шулачва.
Я аба, яв уьмрин тяжруба йипа,
Ич гьудрубкIру яракъназ гъадабгъуча?

Бегьем йисари, хъана ишигъ туврачва,
Ичв насларин намус аку апIури.
Зат ккудудучIвди Исайин хлинццикк ккача,
Гьякьикьат вазифйир кIулиз гъахури.

Я, аба, тяди учуз йипа, гъитIан,
Закурин майднариз фици гъягъюруш?
Я ич аба, учуз йипа гьамустIан,
Аьршарин Паччагьлугъдиъ фици учIвруш?

Кеспи гъучагъар вучва, сикин йихьай!
Сарун учву мисккин даршлуб аьгъю йибхьай!
Адашди учву Чан хабаз гъадагъиди,
Эгер учву гъашиш Дугъахъ хъпехъури!