Кьейитlани вун зи рикlяй акъатич,
Ви тlалдикай шад юкъузни хкатич.
Вуна кьур хьел зи чандилай алатич,
Зи рикl ягъай лишан гва вав,кlаниди.
Куьвай ятlа,вун зи рикlиз ширин хьун,
Югъ-къандавай рикlин дердер дерин хьун.
За умуднай,хизан хьана секин хьун,
Зун сагъардай дарман гва вав,кlаниди.
Дава-дарман ийиз гьардахъ гелкъведа,
Уьмуьр патал гьар са экуь легьзеда.
Агатай зав гъуьрчехъандин жуьреда,
Зун рам авур залпан гва вав,кlаниди.
Вуна гайи гаф на кьилиз акъуднач,
Ви кузвай рикl зи муркlвадив агуднач.
Зи кlулавай гъамарин пар алуднач,
Заз верги гай фейжан гва вав,кlаниди.
Верги- илгьам,страсть,задор.
Фейжан- яд хъвадай къаб.
За умуднай
© Copyright: Марьям Алискерова, 2016
Свидетельство о публикации №116100401413
Свидетельство о публикации №116100401413
Рецензии