ЖВУВ
Варж агъзрариинди йисар вуйиз
Дюн'яйиъ бин ккивну яшайишдиз.
Мегьел жвув фуж-вуш гьуркIну аьгъдарзуз
Табиаьтдиъ хусуси пай бисуз.
Гьуругнайирси гьугъужвназуз
Фагьмихъди даршлуган гьядисйир хуз.
Жвуваз фу-вуш гьудрубкIруси азуз
Зарал ктру ният гьякьикьат апIуз.
ТIилисим гъиву фикрари дидиз.
Хъа шулинхъа ният гьаддиз?
Ккунду зат асиллу дарди жвуваз
ХъапIуз уьмур дивнайи мудатназ.
Бахтар, шитвалар ва дердер айиз -
Жвуву хрудар, кIури шулу, арайиз.
Дици вуш фагьум, ният гьаз ву йиз,
Дишла бахт улупну гъидбритри уьмриз?
Дюз вучва, жвуван келфет ву гьаддиз -
Бахтар, гъамар уьмриъ аьдруриз.
Месигь ву шибритI ккиврур гьарсариз
Яшайиш шадвал адарди шайиз.
Ният Сар, нефес Сар, дерд Сар, бахт Сар -
Жвуву Гьамгъукан бисура гьарсаб.
Гьаци саб уьмур тувра касдиз гьар
Жвуван-жву Дугъхьан бисруси кабаб.
ЖВУВ
© Copyright: Рашид Азизов 2, 2016
Свидетельство о публикации №116100308929
Свидетельство о публикации №116100308929
Рецензии