Ккундузуз 2

       ККУНДУЗУЗ 2
 
                Амирханов Мурадхандин
                "Ккундузуз" кIуру шиъри
                узук капIу аьшкь:

1
ГвачIнин ухди хьадан йигъан
Вари халкь хяраз гъягъруган,
Хуш шулдар йиз кIваз -
Фукьан гъудужвуру сюгьрин
НивкIу зиркь дабтIури улин
Даабхнамиди ваз.

Жакьварин тюнт мукьмарихъди
Лигуз ккундарзуз юкIв шадди
Йиз ккуни шураз.
Мукьам жакьвлин тюнт шлурихъди
Хьибдарзухьан юкIв ачухъди
Ккун апIуз чIураз.

Сиринвал лавландин вахтнан,
Аьлхъюб жигьиларин бахтнан
КIваан ккундарзуз -
АмкIарин литIнар хябяхъган
Рузру жигьиларин унтIлан
Бегелмиш дарзуз.

Багъдиъ гьарар йимиш али,
Гьарсаб мажлиснаъ шад мяъли
Гизаф ккундарзуз -
Дагъдиъ укIар мюлхъяр али
Дурари дердер апIури
Му гьял кюбгъдарзуз.

Нирарикси кьувват кайи,
Мухриъси чпин мерд юкIв айи
Душмнар ккундарзуз -
Гъяраригъ цIийир гъирчнайи,
Жузан ялхъвниз адапIнайи
Дустру гьапIру узуз?

ДагълартIан аьхю Мясляаьт,
Халкьдин арайиъ Гьюрмат
Дархьи ккундарзуз -
Беден дючIюбкьну гьам сяаьт
Халкьдин чIур апIрур аьгьвалат
ДарчIи нач шулзуз.

2
Хябяхъ кьанди гъафи йигъан 
Халкь рягьятвалиъ адруган
Хуш шулдар йиз кIваз.

Жакьварин шад сесерихъди
Лигуз ккундарзуз юкIв шадди
Йиз даккни шураз.

Аргъувал ГвачIиндин вахтнан
Пашман жигьиларин дерднан
КIваан ккундарзуз.

Багъдиъ кюлер зазар али
Гьарсаб гъулахъ зарал хъади
Гьичра ккундарзуз.

ТIафликси вягьшивал кайи
Мухриъра чпин кьаст юкIв айи
Дустар ккундарзуз.

КчвубхубтIан аьхю аьламат
Халкьдин арайиан гьюрмат
Ккундарзуз зат дубхьну кьисмат.

3
Магьа, Мурадхан, диван апIин йиз.
Хиял мапIан - увхъан хътIарццуб дариз.
Ккунду чан кIван хиял пуз вардиз.
Хъа шлин дугъри, шлин - илтIибкIуру фургъниз.