ГЪИЙИН УЬМУР
Къур духьнайи абайин хилар
Гъи ихь уьмур тешкил гъапІдар ву.
Кьюреддин гъушу ургцІур йисар
Жигьилвалин хатІ хъайидар ву.
Гъи бисурава, жигьил насил,
Ишигъ, ифдихъ гъазанмиш гъапІу.
Абкураяв гьар йисаз фасил
Игитвалин рангари ккапІу.
Ширинвал, намус, аьзизвал, гьякь
ТІапІраяв, гъийин уьмур, йисариъ.
КьутІкьалвал, гаш, угъраш‘вал, нягьякь
Фйир вуш аьгъяйвуз яв уьмрариъ?
Лайикь вуйидар, ич жигьилвал,
Увкан ккимиди гъитундарва.
Дугъри кІваъ айидар кІубанвал,
Увхьан затра гьадатІундарва.
Гъи гъаншариъ айи рякъбариз
ФуртІмар гъядарчнава гьаруриз.
Мюгькам яшайиш яв кІалбариз –
Хъана артухъ хуз игитариз.
Гъийин уьмур
© Copyright: Рашид Азизов 2, 2016
Свидетельство о публикации №116100209891
Свидетельство о публикации №116100209891
Рецензии