БАГЪБАНЧИ
Зяиф микІру
гьарарин кІажар ккуру
ришвуру,
рангарин жарар
гъи-закур деетру
чвул тІапІри гьялнаъ шлу,
кІажарра гъяди чру.
Сабан,
кІажар чру
ришвру зяиф микІру
кІажар ву.
Дугъридан кІажар ву
кюлерин ккуру
гьарарин аркру
хъубкьнайи чвлу.
Ва гьадмуган кІажарикан
хьиди кагъзар,
рангарин жарар
илтІикІну цІарариз
ццийин чвлин
тІапІну табшуругъ
ва
зурба микІру
гьарарин кІакІар ккуру
тІурччвиди,
гъюдутІну,
кюлер апІури гъяцІли,
кагъзар гъахиди,
аьлтІякьнамиди
вари пІипІариз,
ва кагъаз ккубкьдари
урхиди дидик гьарди
чан кІваъ айибси
чвлин
табшуругъ.
Хъа
Багъбанчи гъузди багъдиъ,
ялгъузди
гьарарихъди гъяцІли,
урхрудариз кІваин даршули,
гьарганси,
аьхирки
чавра бикІури
парпахди
наслариз васият
гьарарин уьмрариинди,
чанубдихьан жара дарди,
зяифди,
дердлуди,
гьиришвури,
хиларин табар гъи-закур деетури,
гъянаъ тІапІри
чвул.
Багъбанчи
© Copyright: Рашид Азизов 2, 2016
Свидетельство о публикации №116100207495
Свидетельство о публикации №116100207495
Рецензии