ГЪИРМАЖ
Эскрихь
гъушу вахтари
гьяйвниин али
шулдайи гъирмаж.
ГьазкІа дайи,
гьаз гъапиш эскер
габан дайи
малар хъауз,
я – илхчи.
Эскрихь
гъийин девриъ
гьяйвниин али
хьа
гъирмаж
бакар вуйи,
гьаз гъапиш эскер
габан духьна
маларин даршра,
гъярхьу жигьилар гъядауз,
стадионарихъ
аьхю шагьрарин,
майднарихъ
яркьу сягьнийирин.
Илхчи духьна
Гьяйвнар даршра,
жигьилар хъауз
гъирмжин кюмекниинди
аькьвлихъна,
абрихъна.
Гъирмаж
накь малариз - диллаж
гъи адмийириз дубхьна аргъаж.
Магьа йиз деврик кайи раж.
Гьациб дапІна гьюкми кІаж –
хузаинари чпи паччгьар даршра
гужназ улубкІури таж.
Гъирмаж
© Copyright: Рашид Азизов 2, 2016
Свидетельство о публикации №116100207461
Свидетельство о публикации №116100207461
Рецензии