Гьикьван ви п1узари авурт1ани хъвер,
Рик1 туькьуьл я ви,ивини зегьер.
Акатайвал туш лугьузвайди ваз,
Ахтармишна за вун агъзур сефер.
* * *
Туькдин юкьва хьайт1ани вун къилан я.
Инсанарин арада вун илан я.
Хатадайни зал рекье вун туьш тахьуй.
Ахварайни акун вун заз залан я.
* * *
Хуш рафтарвал авай "гуьзел,"
Ширин гафар алай мецел.
Винелай вун малаик я,
Къен агъудив ац1анвай цел.
* * *
Сифтедай вун тир хьи аслан,
Гьазур тир вун къурбандиз чан.
Лагь.вуч фад вун дегиш хьана,
Гила хьанва к1асдай илан.
* * *
Гуьлуьшан гьава,гатфарин нефес,
Гьар са декьикьа къизил тушни бес !
Ви сални бустан вегьена гъиляй
Гьик1 багьа хьана ваз "Поле чудес"?
Хьелер
© Copyright: Сейфудин Шахпазов, 2016
Свидетельство о публикации №116100108904
Свидетельство о публикации №116100108904
Рецензии
Хьелер-телер,агакьрй чеб метлебдихъ,
амма са хьел галукьна захъ гунагьсуз,
"Поле чудес"-передача эдебдихъ
кьадай к1анда тамашиз заз, къуй вахтсуз!
Джарият Магомедова 18.11.2016 18:22 • Заявить о нарушении
амма са хьел галукьна захъ гунагьсуз,
"Поле чудес"-передача эдебдихъ
кьадай к1анда тамашиз заз, къуй вахтсуз!
Джарият Магомедова 18.11.2016 18:22 • Заявить о нарушении