ДАД ВА ТIЯАЬМ
Шуран гарцІларси, жин духьнайи
Чру палтарикк, гьараригъ гъяйи
Вичарихъ, саб ул‘инди хълигурайи,
Дад хъа, шарабнан тяаьм хъайи.
Вазлин кІулси, гъизил абчнайи,
Вахт-вахтариктІан дярякърайи
Яв уларихъ, шадвал кабчнайи,
Тяаьм хъа, умуднан дад кайи.
Кьюредди булагъдихъ хъади айи
Штук каркар курсрайи аьшкь кади.
Зяиф чиграхъ убгъуз хъюбгънайи,
Дад даршра, учуз тяаьм хъайи.
Шавгьри цІабариинна хъапІрайи
Чиг, гьаци, зяифди ктІеппнийи.
Хъана, вазлихъ, акв ктубзурайи
Тяаьм даршра, учуз дад хъайи.
Дадна тяаьм гьарсариз саб дар –
Масанвална ккун хьувалситІан.
Аьгъдруриз адруси гьисабар,
Дурар даягъ дар саспидаризтІан.
ДАД ВА Т1ЯАЬМ
© Copyright: Рашид Азизов 2, 2016
Свидетельство о публикации №116100107145
Свидетельство о публикации №116100107145
Рецензии