ЧІАЛ
Арчал,
гъирагъ,
ясана аьхир,
вахтнаъ
кІан-кІул адру сабан,
пиянвал ваъ –
ккуниб чяхир –
сяргьятар адруб сабушван –
Йиз ЧІал,
имбудар,
хъа узу,
дикъатлуча даршуз йишван
лукІар,
гьархну ЧІал
ва качал.
Вахт ву чІалнан апІуз ачІал,
Зази чІаларихьан
чІалнан,
кюпчи чІурдухьан
даллайнан –
фаркьат хьухьа
имиди мажал?
Хъасин хъуркьидар
вахтнаъ аьжал.
Ва
гьадмуган гъахьиш
аьжаб...
Хъудубкьнайиган аьжал саб
аьхир,
гъирагъ,
ясана арчал
бихъдар,
вахтнахъ хъашра
кІул-кІан –
ушв хъябкь,
файда хьибдар,
шул кьан.
Зат, чІал,
ухьуз хай дар
кучІал.
Гъит, ибшри
баладар
кьючал.
Ваъ, гьичра
дарибшри
кьюжал
йиз Адашди
тувнайи
чІал!
Ч1АЛ
© Copyright: Рашид Азизов 2, 2016
Свидетельство о публикации №116093009921
Свидетельство о публикации №116093009921
Рецензии
