Сямёра дзянькоу

                Сямёра дзянькоў -
                Сем цётак і дзядзькоў,
                Што за стол паселі,
                Як есці захацелі.
                Белая нядзеля
                У чырвоным куце
                На покуці села
                На радасць людзям.
                Два панядзелкі
                Засцілаюць стол,
                Да нядзелі-дзеўкі
                Ідуць на паклон.
                Серады-серадзіцы,
                Блізняты-сястрыцы,
                Сядаюць тутака,
                Вядуць гутарку.
                Два чацвяргі
                Нясуць пірагі,
                А тры аўторкі
                Свечкі ўторкнулі
                У гэныя пірагі,
                Каб з'есці не змаглі
                Індыкі-гультаі,
                Хоць губу і раскаталі!
                А як працалюбы
                За спявалі,
                То і за голас любы
                Іх таксама паважалі.
                "Свечак усіх
                Трэба сем,
                Што спрацую,
                Тое з'ем.
                Аж пятнаццаць
                Дзён пятніц
                У карагодзе
                Ды танчаць.
                Завушніцы
                Лічбай пяць
                У вушах іх
                Блішчаць.
                На зялёнай руні
                Танчаць прыгажуні,
                А дзве суботы
                Абулі боты
                мадэльныя,
                З абцасамі,
                Да нядзелі-дзеўкі
                Ідуць з прыпасамі.
                Кладуць у кашалі
                Паважна,чынна
                Пірагі,што спяклі
                З добрым начыннем.
                Дух гарбаты
                Поўніць хату.
                Папрацавалі,
                Дык і святкавалі.
                Ізноў у панядзелак
                На работу ўставаць,
                Каб брату-аўторку
                Змену перадаць.
                Гаспадыня-серада,
                Як у клопаце маці,
                Ніколі не адна,
                А побач з працай.
                А моцны чацвер
                У рабоце,як звер,
                Хоць тыдзень ідзе,
                Ды многа працы яшчэ.
                Пятніца-прасніца
                Нітку ссукала,
                Што аккуратненька
                Тыдзень звязала.
                І прыйдуць выхадныя,
                Дні святочныя,
                Адпачнуць людзі тыя,
                Што да працы ахвочыя.
                Вось ніяк не збяруся,
                Каб на чыстым абрусе
                Букет паставіць,
                Каб тыдзень праславіць.
                І працу будняў,
                І час адпачынку  -
                Кола тыдня круціць
                Нас без супынку.