ГЮЗГЮ
Гъючвюбхюрайи суфат кІару
Арайиз адабгъурава Уву!
-Фтикан кукІнавуз гъамар ургру?
Яв машназ гюзгдиан лиг сану.
–Гъабхьиб адар, йиз ккуни дустар.-
Архаин жаваб тувразайзу. -
Я гъахьундарзухъ ляхнар писдар
Даршул, вуш агу лигарзайзу.
КІаруди адар, я гъючвюбхнадар,
Я нукьсанвалар ктар зегьерлу.
Зат дарш инчІ рябкъюразуз бакар,
ЮкІв алдатмиш апІрубсиб, гьичлу.
–Узуз, дустар, фу кІурачвайчву?
Сурат гюзгдиан пис дубхьнадар.
Дарш зарафатар апІурайчву,
Ккиркьри учвухъди дархьи вахтар?
Гюзгди вуйибси улупуру.
Гьякьикьатдин кІваъ учІвуз аьгъдар.
Даркбар чаз гьюдюхси хътІурччвуру.
Уву фуж вуш гьичра вижна ктар.
Ав, жан дустар, гъючвюхназайзу.
Учвуз йиз дердер аьгъю гъахьну.
Дав, уьркъри ургуз гъитнгазайзу
Гьам гюзгюстари, гъирагъ йивну!
1988
Гюзгю
© Copyright: Рашид Азизов 2, 2016
Свидетельство о публикации №116092802561
Свидетельство о публикации №116092802561
Рецензии