Батува узиршира,
Рак|ири урх|ла шилзе.
Практика бугьес иле
Дирхьири дурх|нас дурсре.
Бег| жагьил жагай г|ямру
Дирк|улри ятла урга
Дугели гьанбиркулри
Урахъи, Сергокъала!
Х|улбе шини дирц|улри
Гьанрикиле Неш, рузи
Хъабруц| буцес дигуле
Кьакьале цабри урк|и
Урга-урга аркьуле
Карц|деш ихъулри хъули
Диркуле барумбера
Пархат биркулри урк|и
Дарсдугьуб эни,х|уеб
Рууле хъайзе урх|ла.
Урк|илизе рикири
Уршилис хъа бех|тала!
Хъаугьес дияхънидеш
Дак|убугьуб шилизе
Дурашан х|асес иле
Гъайбук|улри адамле.
Батува мез бук|антра
К|уелра цаб хъабугьуб
Цаличу ца балбикиб
Яшав гьадит|ар бугьуб
Кач|агъиб жагай ужагъ
Ак|ун арц гъуна дурх|не
Шила халкь бяхилбак|иб
Чува миръидешике
Аллагьли цар рархьагъиб
Х|улбикиб кьакьай урк|и!
Цаца рази урайри
Багьарик|ан Дудешли?
Цуния рурси лерил
Цунени дях| х|адалуй
Дудеш хъябруц х|авциле
Цунени г|ямру дирк|уй.
Даргалан Патимат!
© Copyright: Айшат Акаева, 2016
Свидетельство о публикации №116092709766
Свидетельство о публикации №116092709766
Рецензии