Амру!

             
Ца рурси дигахъуле.
Цунес амру  х|аругьуб
Неш дудешла гъайзака
Цай ахъу угьес х|авгьуб
Урк|и ц|али игуле
Церх|илике хъаугьуб
Цунес  дигахъуй рурси 
Церх|илис амру ругьуб
Г|ямру аркьуле царри
Цали ца хъумх|артуле
Ахирра дик|бикиби
Бархбикес дияхъуле
Целра заман х|ябякьун
Тукли вяхъиле эбк|иб
Урк|бухъува узирши
Ц|ябил х|ябизе ихьиб.
          
Даргамача лупкуле
Рак|иб дугели х|яре.
Ачрук|уле рисуле
Ахъурикиб х|ябике
Ну гьис ратурри иле,
Хорт дариб шинил г|янжи
Някьбачу х|яб биркьуле
Гъярдариб сагай бихьри
Дуц|арил ц|агъуна нергъ
Дяг|ил бях|ике агиб
Усува алзуй ана
Эп|к|или х|улбе абхьиб
Ах|арил кераиле
Цакьле тямашаугьуб
Цуния х|улба гьади
Ит| мелизе  гъагъругьуб.
            
Це бугьубил х|абагьун
Х|ябизака дурайкиб
Ахъруциле ах|арил
Ванай сагалзе рихьиб
Т|ама агъиле  исиб
Гъябдариб бек|ла гъизбе
Ну арале цайричи
Цес ихьилрия х|яре?
Ахъри дегъуб чархизе
Кайкиб цайра сагалзе
Эхти баргиб муълани
Бак|ибил савладуге
Арбукиб бархьле хъули
Неш дудешис кебахъиб
Бихьиле магьарира
Жигале  хъабаряхъиб
Огь ах|арил неш дудеш
Дуршав мадурудая
Дигуй х|айсах|а иле
Уршбе кабуршидая..