Лагь вуна заз,ви сиреркай,
Рикlе жуван чуьнуьхнавай.
Накъвар хьана фей селлеркай,
Ашкъи патал дарихнавай.
Лагь вуна заз,къван яни рикl,
Кьатlузвачир зи кlанивал.
Дердер вучиз эхин за икl,
Гьикьван жеда ви къайивал?
Лагь вуна заз,тlимил амай,
Завай яргъаз къакъатиз вун!
Ашкъи рикlе,вун ахварай,
Акваз жезва,аватиз зун!
Лагь вуна заз,залан ян ваз?
Ша,мукьва жен,жезвач эхиз!
Са легьзеда яб це,на заз,
Дерт ачухин рикlяй-рикlиз!
Ша кlаниди,зун агъмиша,
Рикlе ашкъи вуна туна!
Вун захъ галаз на вердиша,
Хаму шив хьиз жилав кьуна...
Агъмишун- саймишун .
Жилав- кьенер,залпанд.
Уьмуьрда, ша!
© Copyright: Марьям Алискерова, 2016
Свидетельство о публикации №116092605982
Свидетельство о публикации №116092605982
Рецензии