Ви кlанивал заз це,зи яр,
Ам за рикlе зин эцигда.
Кьезилара жува а пар,
Рикl цlраз вун заз килигда.
Ви кlанивал зи рикlевай,
Ашкъидин цlай яз куькlуьрда!
Ялавди ам рикlяй къвезвай,
Чими гьиссериз элкъуьрда!
Ви кlанивал вили цавуз,
Ахъай вуна,гьиссер хьурай!
Лацу лифре цава лув гуз,
Луварикай гъилер хьурай!
Ви кlанивал за са руьгь хьиз,
Агакьарда цавун аршрив !
Заз экв гайи са чирагъ хьиз,
Тухуз тадач вун гарарив !
Ви кlанивал дуьзмишда за,
Фейи шад чи йикъарин.
Вири бахт ваз багъишда за,
Чилеринни, цаварин !
Ви кlанивал заз це...
© Copyright: Марьям Алискерова, 2016
Свидетельство о публикации №116092605292
Свидетельство о публикации №116092605292
Рецензии