АЬЛАМАТ
Селимдиз гъябкъну аьламат,
УдучIвуриз гъи сифте чIат.
Хъипну гьарай хътIурччву хулаз,
Дазаргну хилар гъапи бабаз:
...-ВаритIан дидигъ гъяйи маш
Фициб вуш пузавуз, яваш!..
Аьгъдарзуз дициб наан аш!
Гьамцибу, гьамцибу, гьамцибу!
ГучI кабхъзук. Яраб дидин хъюхъ!
ХътIурччвнийза дишлади кьяляхъ.
КучIал дариз, кабхъназук мяхъ,
Гьамцибу, гьамцибу, гьамцибу!
Мюгьтал гъахьиза, гъиву лик
КубкIнийи дидхьан ихь цалик.
Ктар дициб я китабарик,
Гьамцибу, гьамцибу, гьамцибу!
Дидихъ хъайи лап ярхи рижв -
Тевган жикъиб ву гъядун биржв!
Хъа унтIак кайи лизи йишв
Гьамцибу, гьамцибу, гьамцибу!
"Гьамцибу, гьамцибу, гьамцибу! -
ХътIерццури гъапи дугъаз бабу. -
Гъябкъну кIури халуйин гьяйван,
Гьадмукьан шлуб вуйинхъа гьяйран?!"
Аьламат
© Copyright: Рашид Азизов 2, 2016
Свидетельство о публикации №116091208851
Свидетельство о публикации №116091208851
Рецензии