Сирень
(мани)
Сирень,сирень жемир гъарик1,
Перишан я вун акваз рик1.
Чун сефилдиз амукьич ик1,
Кьуьд акъатна гатфар къведа.
Зун гуьл авур суьгьуьрдин мах.
Ц1елхемдин ц1ук1,руьгьдин чахмах.
Ц1ийи хъийиз ви наз-дамах,
Абулейсан марфар къвада
Чагъадив хьиз верц1и рахаз,
Гъил авуна ч1агай хел кьаз,
Хур ац1урна ви атир хъваз,
Пенжердив зун -ви яр къведа.
Вад варз вад югъ хьиз алатна,
Чуп-чиледай вун акъатна,
Вахъ ц1игел яз гьерекатна,
Зи ч1ижерин лужар къведа.
Муьгьуьбатди чин дагайт1а,
Ви патай заз кин тахьайт1а,
"Тек вун к1анда"-кьин тагайт1а,
Заз туьгьметдин гафар къведа..
© Copyright: Сейфудин Шахпазов, 2016
Свидетельство о публикации №116090804165
Свидетельство о публикации №116090804165
Рецензии