Агь,гьикьван гуьзел я дагълара гатфар,
Пешерал ацукьиз багълара марфар.
Ашкъидив ргазва жегьилрин вахтар,
Нурарив ацlанва рикlера бахтар.
Агь,гьикьван гуьзел я дагълара гатфар,
Цуьквериз ухшар я дагъларин рушар.
Лацу цуьк акъудна,кьуд пад я гуьрчег,
Гуьзел свас атанва мугьмандиз керчек.
Агь,гьикьван гуьзел я дагълара гатфар,
Гуя зун на тунва цуькверин юкьва.
Женнетдин багъдиз ухшар я дагълар,
Милаимдиз гьахьна атирдин юкьва.
Агь,гьикьван гуьрчег я дагълара гатфар,
Ирид рангунин хважамжам цава.
Уьмуьрдал ашукь я атайла гатфар,
Пагь,гьикьван михьи я гатфарин гьава.
Гатфар
© Copyright: Марьям Алискерова, 2016
Свидетельство о публикации №116090607274
Свидетельство о публикации №116090607274
Рецензии