Я хачу да цябе прыляцець
Вольным ветрам у дзень вясновы,
Дзе надзея ў вачах цвіце,
І малююцца думак словы.
Я жадаю табе расказаць
Тыя сны, што шапталі зоркі,
Каб дарога мая назад
Не прапахла палынам горкім.
Забяры ад мяне енк і боль,
Дзе каханне ў агні пагасла.
Пацалункам мяне спатоль,
Каб душы стала светла, ясна.
Прагані ад мяне чорны сум,
Загаі маіх думак раны.
Я цябе на руках панясу
Па дарозе вясны да храма.
***
© Copyright: Валерий Познякевич, 2016
Свидетельство о публикации №116090410988
Свидетельство о публикации №116090410988
Рецензии