Гьикьван гуда вуна азаб, бес я инад, чан к1аниди,
Элкъведач зун, галач зак таб,вун я мурад, чан к1аниди.
Вун галачиз чрайт1ани муьгьуьббатдин ялавра зун,
Ви къаматди гузва заз гуж, зи вилин хад, чан к1аниди.
Ат1удач, яр, вакай за вил, зун алемда хар хьайт1ани,
Даим ви рехъ хуьркьван вилер хьана хьи яд, чан к1аниди.
Регьим гурай ваз Аллагьди к1анивал заз пахш авунвай,
Минет хьуй ваз, наз ийимир рик1 жезва пад, чан к1аниди,
Шагьмарданаз чара жедач агъзур лукьман атайт1ани,
Зи дердиниз дарман я ви теменрин дад, чан к1аниди.
Чан к1аниди
© Copyright: Шахмардан Арран, 2016
Свидетельство о публикации №116090308663
Свидетельство о публикации №116090308663
Рецензии