ИкIрикIицIар
ИКIРИКIИЦIАР
Сар бицIир - гату, имбудар кьюлар шулу. Гату, цалик кивнайи хиларин гагьаригъ маш цалихьинди дапIну, улар уьлчIюкьну дийигъну имиди, кьюлар гьитIикIуз гъягъюру. Гатди текст дупну ккудубкьайиз, кьюлар гьитIикIну ккунду. Текст ккудубкIси, гатди улар арццру, ва думу кьюлар агуз гъябгъюру.
Гатди кIуру текст:
ИкIри – кIикIри – икIрикIицI,
Гатди убцура кIварицI.
Дадахьу дяхнин удрар
ГьитIикIуз гъафну кьюлар.
ИкI – икI – икI, икI-ри-кIицI,
Кьюлари гъубхну кIварицI.
Чики вари жин йихьай –
Гъюри а гату-бишай!
Гату кьюлар агуз гъябгъюру. Гъидихъдар магълуб шулу. Хъа, гату гьудубчIвну имиди, жинди дуфну, гатди хилар кивну дийигъну гъабхьи цалик кучур гъалиб шулу. Сабпирди цалик кучур, хъа ражну тамаши уйнамиш апIруган, гату шулу. Эгер гатди вари гьитIикIнайидар гъагиш, думу гатуди гъубзру, дарагиш - дидканра кьюл шулу.
© Copyright: Эльмира Ашурбекова, 2016
Свидетельство о публикации №116090109162
Свидетельство о публикации №116090109162
Рецензии