ШАИРИЗ КЬЮБ ГАФ
Шаирвалин кьисмат гъагъиб ву,
Гьарсарин гафнан мяна бисру.
Увхьан шул шадвал апІуз ярхиб,
Бедендиз архаинвал тувру.
Яв гъагъивал шлиз рябкъюру, кас?
Анжагъ явнурин гъюняригъ гъя.
Ярхи апІру гештнан адар мас.
Дидин му тяаьм вардиз аьгъя.
Гьаз, Керим, апІурава фикир,
Ужур хьуз узузра дидизра?
Мас каш абгурайва, даршсан – сир?
Яв маш михъибтан гъизилизра.
Шаир, уву гизаф ккундузуз,
Му бицІи халкь гъавриъ тІаъруган.
Яв кІван марццишин таниш вузуз,
Вардиз ачухъ апІуз даршлуган.
ГьатІарцц хилар, атІабцц юкІв Сариз.
Дугъу уву кьабул апІиди.
Саб лиг яв гъвалахъ хъайи гьариз -
Гьаз диди кюкю адабшвиди?!
Ув‘инра ал Аьршарин Му Хил,
БикІури Душван дафтрик яв шил.
Хъибт ухьуз хъана артухъди ил,
Гьамциб гештнаъ шлуси, дубккну ччил!
Шаириз кьюб гаф
© Copyright: Рашид Азизов 2, 2016
Свидетельство о публикации №116083108781
Свидетельство о публикации №116083108781
Рецензии