ГВАЧІИН
Сабан жикъи сумчир ккудубкІну, чавуш,
Гьяракат апІин, эгер уву ваз вуш.
Ичвра, алдагъуз, сарун вахт ву, хялар.
УкІу завлан мургул алдатай, хядар.
Аьхю йигьгарикканра цІа хътубгура –
Ахсрари гъурхьу сивар пай апІура.
Швушвна жам хулаъ аъру вахтар хъуркьна –
Ригъ гьудубчІвури таза гвачІин хъубкьна.
Ашкьар, нашдичва, ичв саз чюнграр хьади?
Пердйирихъ хъайчва-хъа келягъйир алди?
Гьар келягъайикк чигру гаргар ккибтІна.
Ичв сесериз дурарик дармнар китІна.
Нурари цІадларикан ихь улариъ
Шад ригъар тІаъди, хядарси завариъ.
Ва гьадмуган карк гьачІабккурин хилиз,
Мак апІурайси йивиди кьяши мелз.
Агь, тики язухъ адру гвачІин, гвачІин!
Сар швушв гъитрава хулаъ завун ачІни.
Фици вушра му табиаьтдин ширин,
Багьа вузуз гъайгъушин ва бин Балин.
1988
ГВАЧ1ИН
© Copyright: Рашид Азизов 2, 2016
Свидетельство о публикации №116083108380
Свидетельство о публикации №116083108380
Рецензии
