Йа, гьал г1олохъанал, ясазул т1елал!
Т1аса рет1ел бахъун щай нуж хьвадулел?
Нужерго чергеслъи, чорхол ч1урканлъи,
Щай учузго, босун цебе рехулеб?
Раг1уларищ раг1и г1олохъабазул,
Хадурги балагьун басра гьаюлеб?
Щоларищ г1айибал эбел инсуде,
Ясалъул "мискинлъи" загьир гьабулеб?
Бокьуларищ дуе эменгун вацал,
Бет1ер къулич1ого къват1ир рахъине?
Эбел- инсул наслу к1одоги гьабун,
Къадруязда гъорлъа мунго йик1ине?
Рек1елъа иблисги къват1иб бачахъун,
Умумузул раг1ухъ г1ин т1амун бихье.
"Рат1лица чийилан, чоца багьадур"-
Бицен гьаб г1оларищ г1акълу бугезе.
Аллагьас халкъалъе лугби рахчизе,
Чилайдул хамалгун, шалал кьун руго.
Г1урдада т1угьдузул т1огьол квац1илъун,
Йихьуларей щайдай дудаго мунго?
14 07 2016г
Ясазде
© Copyright: Сафи Сулим, 2016
Свидетельство о публикации №116082305836
Свидетельство о публикации №116082305836
Рецензии