Бах1арай нусалде назмуги гьабун,
Рак1- рак1алъго гьелъий сахлъи гьарула.
Рек1елъ иман бугей, гьурмалъ нур бугей,
Гьелъий г1умру гьарун дуг1а гьабула.
Дир рокъойги яч1ун, хасаб бак1ги ккун,
Дир васасул адаб борхатго ккурай.
Гьесул лъималазул , рукъ свериялъул,
Маслих1ат, тарбият кодоб босарай.
Г1агабожаразул адабги ц1унун,
Кидаго гьимиялъ гьумер гвангъарай.
Кумек х1ажатазе х1алайги ятун,
АЛЛАГЬАСЕ г1оло мурад т1убалей...
Дургун дир васасул раг1и данде ккун,
Юсуф, Зулайхада талих1 релъаги.
Рак1азулъ АЛЛАГЬАС иманги ц1унун,
Наслабигун цадахъ г1умруги кьеги!
14 06 2016с
Бах1арай нусалде
© Copyright: Сафи Сулим, 2016
Свидетельство о публикации №116082305774
Свидетельство о публикации №116082305774
Рецензии