МЕСЛЯТ АКВАН
Агьил хьанва уьмурдин яш,-
Пудкьад йисан девир акур.
Майил гузва - гъиле яхъ лаш.
Гьеле зун туш кьуьзуь, какур!
Агьил хьанва уьмуьрдин яш,-
Девир акур писни хъсан.
Зи жегьил ч1ав тир хьи "саваш,"-
Тахьун патал жувак нукьсан.
Агьил хьанва уьмуьрдин яш,
Карагзава фейи рекьер.
Акурвиляй тухвални каш,
Киткизва зак ажугъни хъвер.
Агьил хьанва уьмуьрдин яш.
К1ан хьанай заз, алахънат1ан,
Уьмуьр ийин т1имил фараш,
Татугайвили ганач мажал.
Агьил хьанва уьмьрдин яш.
Авуна за гьуьрмет, хатур.
Ат1угъунач чин, хъиле хьанач.
Четинвилиз гуз тунач к1ур.
Агьил хьанва уьмуьрдин яш,
Девир акваз, акваз дуван…
Жегьилриз чи: « жемир чаш-баш,
Кьакьан ая уьмуьр жуван!»
***
© Copyright: Фикрет Хидиров, 2016
Свидетельство о публикации №116081909976
Свидетельство о публикации №116081909976
Рецензии