Милаим хъвер дидедин
Чинавай жегьил
Акурла зун шад жеда
Хкаж жез гуьгуьл.
Куьчедай зун хтайла к
Кьац1ана шалвар.
Зал ,зин диде хъуьрейла
Шад жеда гьалар.
Хатадай мад чайдин къаб
Аватна гъиляй.
Хайит1ани ,чан диде
Ягъмир зун хъиляй.
Зун гъвеч1и я ,кьаз вуна
Эцига мет1ел
Авурт1ани хатаяр
Гъил элкъуьр кьилел.
Алукьна ,зин т1ар хьанвай
Мет1ел алай хер.
Сагъ хъийидай дарман я
Зин дидедин хъвер.
Зазни хъуьрез чирайди
Диде я эвел
Хъвер хьурай йифиз-юкъуз
Дидедин сивел.
Инсан я вун заз к1ени
Кьазва за хиве.
Вун зин дамах ,шадвал я
Хъуьрезвай диде.
дидедин хъвер
© Copyright: Гулья Мисриханова, 2016
Свидетельство о публикации №116081510670
Свидетельство о публикации №116081510670
Рецензии