Къырым къызы олсанъ - юрегинъ денъиз,
Козьлеринъ ешиль.
Табиатынъ ава киби денъишиль.
Тербиенъ юксек, акъылынъ етер
Анъламакъ, яшайыш олды бетерден бетер.
Ах, меним Къырымым, агъырта юрегим,
Мен сени къутармасам, къутарыр энди ким?
Къырым къызы олсанъ - элинъе бир къылыч,
Тураджан къырнынъ устюнде,
Юкъла, ерим, тынч.
Къаргъалар уча, санки Ватаным оларгъа да бир.
Къырым къызы олсанъ, омюринъ де агъырдан агъыр.
28.07.16
Къырым къызы
© Copyright: Алие Кендже -Али, 2016
Свидетельство о публикации №116081304609
Свидетельство о публикации №116081304609
Рецензии