Ахцегьа Шарвилидин суварик

Накь чун, дустар, к1ват1 хьанвай мад Ахцегьа,
Шарвилидин сувар къейддиз лап багьа.
Сур дагълари авадарна биришар,
Такабурдив вилив хуьзвай танишар.

Экуьн кьиляй серинвал квай шагьварди
Хушвилелди кьабулнай гьар атайди.
Рагъни шад тир мад акунал мугьманар -
Чимивилел рази хьанай инсанар.

Гьар са патай Лезгистандин векилар
К1ват1 хьанвай накь шадар ийиз гуьгьуьлар.
Им бахт тушни хтана чилел хайи
Дамах ийиз тарихдин гелел лезги!

Къалин хьанвай гуьруьшарни, суьгьбетар,
Сад хъхьанвай патал алай кьисметар.
Дагъустанда уьмуьрзавай миллетри
Къимет гана ахцегьвийрин гьуьрметриз.

Хуьруьн майдан ухшар тир са сегьнедиз
Манидин ван чк1анвай лап Куьредиз.
Серин тарцик са шаиррин к1ват1алди
(Дад акуна, т1уьна шишер тухдалди).))
Ихтилатар авуна лап тухдалди.

Сувар хьана, валлагь, пара ч1агайди,
Туьтуьнлай физ гьар са касди лагьайди.
Чешне хьана и мярекат шадвилин
Шегьре рекье чи лезгийрин садвилин.