Зи рик1 вакай архайин тир, к1аниди,
Вучиз вуна икърар ч1урна, гуьзел, уф!
Гила за гьик1 уьмуьр гьалин фаниди,
Вучиз вуна зи рик1 мурна, гуьзел, уф!
Зун аск1анрай на кьакьанриз акъудна,
Цифер чалай лап агъузра элкъвезвай.
Вучиз гила зун яманрик агудна,
Зи рик1 мадни тек ви рик1ик къевезва.
Белки чи гъед цавай чилел аватна,
Хъуьтях хьана адан чанда ялав, ц1ай,
Зун кузват1а гъедни кузва алахъна,
Туьхъуьн жедач илагьиди гайи пай!
Агаж хьана, къахаж хьана хиялри
Гузва даим ви къаматдин винел лув.
Ви суьретди алемда зун сиягьриз
Азаб гузва аламатдин, гуьзел, уф!
Гуьзел, уф
© Copyright: Шахмардан Арран, 2016
Свидетельство о публикации №116072401906
Свидетельство о публикации №116072401906
Рецензии