Уьмуьр заз вун кlанда,хъелдач за вакай,
Я тlалабдач,кьезил тир за кьисметар.
Рикlе хер тач за масадан жувакай,
Кlан хьанач заз,уьмуьр,кьилдин гьуьрметар.
Тlалабнач за архаинвал зун патал,
Кlан хьана тек са кеспидин иесвал.
Гурай бегьер гьахълувили чун патал,
Мерд хьухь,уьмуьр,гьардаз ая миресвал.
Уьмуьр,вуна рикlин сирер квадарна,
Чандавай тlал зи рикlелай фин патал.
Цуькведи кьур чуьл къалурна,шадарна,
Вафалу яз зи рикlе вун хьун патал.
Ви дагъларал ашукь я,кlукl лацу тир,
Шегьеррални хуьрерални ашукь я.
Никlин къацар аквазва заз къацу тир,
Хайи чилихъ зи рикl кузва,зун лукl я.
Сагърай уьмуьр!
© Copyright: Марьям Алискерова, 2016
Свидетельство о публикации №116071101261
Свидетельство о публикации №116071101261
Рецензии