Чан дидедин сифтедин экв,
Вирибрулай багьа я вун.
Кьил вине я, ихьтин хва хьун,
Вал рази я чан бала зун.
Дидедин жигердин нефес,
Вун такурла, ял кьада зи.
К1араб мийир дидедин мез,
Аллагь жеда валай рези.
Чан дидедин вилерин экв,
Буьркьуь жеда вун так1урт1а.
Т1армиир на дидедин рик1,
Эгер ваз гьарай авурт1а.
Рик1ин мурад, ширин бала,
Вирибрулай масан я вун.
Дуьз рехъ къачу, к1вале амаз,
Чалайди ваз акьул я гун.
Чан Дидедин рик1ин са хел,
Вегьей кьадам экуь хьуй ви.
Дидедикай къвемир ваз хъел,
Вун дидедин язва иви.
Ин дуьньядал алач бала,
Квелай ширин, багьа зат1ар.
Къуй ви кьилиз акъатуй хва,
Рик1е авайкьван мурадар.
Чан дидедин сифтедин экв
© Copyright: Назиль Махмуд 76, 2016
Свидетельство о публикации №116062902754
Свидетельство о публикации №116062902754
Рецензии