Гьикьван гуьрчек я вун гатфар
Гуьзель рушаз ухшар авай.
Лугьуз чидач заз гьич гафар,
Ашукьри хьиз лугьузавай.
Шагьвар авай чими йикъар,
Шадвал ийиз дустарикай.
Къайи булах, кьакьан дагълар,
Гуьлуьшан я гатфарихъай.
Ачух майдан, рахаз цавар,
Лувгуз физвай гуьзель тир къуш
Худдиз хъвазвай гатун марфар
Акваз рик1из жезва хьи хуш.
Билбилариз авай ухшар,
Мани лугьуз шадвал ийиз.
Яргъи кфер галай рушар,
Рекье гьатда булахдал физ.
Кьуд - пад цуьквед кьур майданар,
Япа гьатиз нук1верин ван.
Къулал са жерге къажгъанар,
Гуьзель я гатфариз Ватан.
Уьмуьр шад хьуй куь гьар садан,
Рик1ер сад хьуй тахьуй квез гъам.
Умуьр физва к1ан хьухь Ватан
Гатфар хьиз лап гуьрчек я ам.
Июнь - 2015г.
Гатфариз Ватанда
© Copyright: Назиль Махмуд 76, 2016
Свидетельство о публикации №116061002522
Свидетельство о публикации №116061002522
Рецензии