Гуьзгуьйри алцурда - зун гьич кьуьзуь туш!
Вахъ галаз пайзава за ви жегьилвал.
Амма заз ви чина акуртIа бириш,
Чир жеда кьисмет икI гъалиб хьана зал.
Ваз саки гуьзгуьдай килигиз за гьикI,
Заз жуваз жув гьикьван жегьил аквазва,
Бахшзава вуна заз жегьил тир са рикI,
Ва зани жуван рикI вун патал кузва.
Алахъа даим жув къадайрикай хуьз -
Жув патал рикI хуьзвач - хуьзва дуст патал.
Зунни бала кани кьегьал диде хьиз,
Гьазур я ви рикI хуьз, чукурна гъам-тал
Ава чи рикIериз са кьисмет, са чан:
Акъвазун зи рикIин - эхир я видан!
В. Шекспир. Сонет 22
© Copyright: Билал Адилов, 2016
Свидетельство о публикации №116060809866
Свидетельство о публикации №116060809866
Рецензии