***

   1999-чу джыл, Къарачай-Черкес республикагъа башчы сайлагъан кюнледе, республикабызны халкъларыны араларында ангылашынмагъан затла болуб, джамагъат-политика хал бек аманга кетерге тебреген эди. Ол кюнледе, халкъыбызда менме деген джашларыбызгъа башчылыкъ эте, кесини джигитлигин, етгюрлюгюн да таныта тургъанлай, акъылы бла, басымы бла рахатлыкъны сакъларгъа уллу къыйыны кирген – Батчаланы Борисге атайма.


Хар заманда болуучанды халкъымда
Аллында уа барыучу бир уланла.
Татаркъанла, Къанаматла, Джатдайла
Айтдыргъандыла Къарачайны таулада.

Бюгюн, сени кюнюнг болду халкъымда,
Сюелгененг миллетинги аллында.
Кеб кере уа кетюргенсе джашауда,
Къарачайны байрагъын сен къолунгда.

«Залимме!»-деб, къычырмайса кишиге,
«Кючлюме!»-деб, къычырмайса гитчеге.
Керти асланса джаш телюню аллында,
Иги уланса къарт акканы къатында.

Джюз джыл болсун сени ёсдюрген къартлагъа,
Къууанчынгы керсюнле уа джашауда.
Кеб болсунла миллетимде Борисле –
Халкъы ючюн джанын берлик джигитле!




Умар Ижаев
Член союза писателей России