Аланла!

 Бек тиеди арт заманда келюме,
Джюрюселе миллетимде быллай сезле.
Бир белекле айтадыла ма алай:
-«Джыйымдыкъды»-деб, а къарачай.

Бири айтад: «келгенме»-деб, Эбзеден,
Бири айтад: «келгенме» –деб, Тегейден.
Бу затлагъа ийнанмагъыз балала,
Уллу къаяны гитче ташыды Къарачай!.

Аман кюнле болгъан эдиле таулада,
Асхакъ Темирлан чабхан эди халкъыма.
Уллу къазауат баргъан эди былайда.
Сауут туталгъан Алан а къолунда,
Джан бергенед джурту ючюн,
Джашауун а салмай артха.

Алай бла чачылгъан эдиле Аланла…
Къартла бла сабийле уа тюшген эдиле тутмакъгъа.
Эте эдиле осият а Атала:
-Къалмагъыз –деб, башха джуртда балала.

Башха джуртда ант этиб а къалмазгъа,
Кесеги уа къайтхан эди ызына.
Уллу халкъдан аз къалгъанла адамла,
Кючю болгъан къайтхан эди ызына,
Къарыусузла елген эдиле зорлукъда.

-Мени халкъым!
- Баш иеме мен санга!
-Тойгъан джеринги аушдурмагъанса джуртунга!
Бири къайтды къалмай Къырымда,
Бири къайтды тау артындан ызына.

Алай эте джыйылдыла ызларына.
Адетлени унутмайын Ата-Джуртха.
Хар бирибиз кеб зат кердюк джашауда,
Бизни адетледен иги адет кермегенме бир халкъда.

Тамада кирсе биз турабыз ерге,
Суу ичсек а биз теджейбиз гитчеге.
Къонакъ кетсе биз чыгъабыз ашыра,
Ол кетгинчи биз къайтмайбыз ызына.

Малны санлаб юлюш этселе атала,
Джау орун къалакъны саладыла тамадагъа.
Ашыкъ илик тыйыншлыды тиширыугъа,
Хар сюекни сыйы уллуд бизни халкъда.

-Ким келтиргенд айранны къарачайгъа?
-Ким келтиргенд къарачай атланы халкъыма?
-Ким келтиргенд къарачай къойланы таулагъа?
-Ким келтиргенд къарачай самырланы къошлагъа?

-Огъесе кеб болмай мы къуралгъанла бу затла?
-Ушайбызмы джыйымдыкъ миллетге Аланла?!
Сюймеген а турмасын а ма мында,
Разы тюлбюз туруруна халкъымда.





Умар Ижаев
Член союза писателей России