Сагъыш этиб къарасанг
Сен анангы бетине,
Бек кеб затны керлюксе
Ол огъурлу тюрсюнде.
Тюшсюн сени эсинге-
Кеб джукъусуз кечеле.
Салыб башын бешикге
Артдырыучу эртденле.
Эсингдемид анангы
Сенге джырна чачханы.
«Биринчи атлам этгенд…»-деб,
Атанга сюйюмчю айтханы?
Иги къарасанг ананга
Сен керлюксе башында,
Къалмагъанды къара тюк
«Джашды»-деб, сен айтыргъа.
Тили болса хар тюкню
Айтыр элле хапарла.
Къачан, къайда чыкъгъанын
Ала бизге къайгъыра.
Рият болсун ол джанга-
Къыйынын унутханга.
Къаршчы болуб анагъа
Келин джаллы болгъанга.
Хар бир тюкге башында
Сый берейик биз анга-
Бизни джашау джолубуз
Джазылады алайда.
Къайсы тюкге тынглайыкъ
Биз ананы башында?..
Амал бар эсе, балала
Къыйнамайыкъ джашауда.
(1994 г.)
Умар Ижаев
(Член союза писателей России)
Багъалы аналагъа. анама атайма
© Copyright: Умар Ижаев, 2016
Свидетельство о публикации №116060204023
Свидетельство о публикации №116060204023
Рецензии