Ахварай захъ,диде,ви сес галукьна,
Гьай лагьана,вилерни за ачухна.
"Гьикl ава,зи азиз бала?",-хабар кьур,
Ви назик сес зи япара амукьна.
Диде,ингье чаз мад са кьуьд атанва,
Дере,кlамар живедивди ацlанва.
Лацу яргъан хьана,чилел къатхьанва,
Къаяр-мекьер,тlебиатни заз къанва.
Шумуд йисар фенва лацу лужар хьиз,
Къазни,лазни хъичир ийиз чилериз.
Тикрар хъжез,мад хкведа,къушар хьиз,
Амма,диде,ахквадач зи вилериз.
Вахтуни цlай янава зи дердериз,
Экъеч!на векь диде къекъвей рекьериз.
Хажалат гваз ала зун къе сурарал,
Тек яз туна,диде,зун на чилерал.
Дидедин сес
© Copyright: Марьям Алискерова, 2016
Свидетельство о публикации №116053105793
Свидетельство о публикации №116053105793
Рецензии