Владик,вин ачух я чин,
Зерре рикlе авачиз кин.
Михьи рафтар,дикъет авай,
Жегьил гада гьуьрмет авай.
Хуьре-кlвале,гьакl шегьерда,
Жуван патав кlан я дустар.
Суьгьбет ийиз гуьгьуьл кьада,
Авай вичихъ чlехи къастар.
Рикl алай мугьман жеда вун,
Меслят патал гьар са юкъуз.
Метлебдин макан жеда вун,
Уьмуьрда вун тахьуй ялгъуз.
Теснифа,дуст,шиирар на,
Машгъулат я гатфариз чаз.
Илгьам гузвай фикирар на,
Ихтилат я дустариз,чаз.
Уьмуьрда гьар кам шерик тир,
Вун сефил яз такурай чаз.
Пайгарни яз,рехъ виликди,
Муьгьуьббатни акурай ваз.
Белки вакай жеда алим,
Чи девирдин тарих кхьир.
Гьахълу уьмуьр рикlел даим,
Чаз гьуьрметиз шиир кхьир.
Нур къекъуьрай ви вилера,
Шадвал гьатрай чи рикlера.
Владик,вун чаз багьа я!
Вун чи далу,чи арха я!
В.Батмановаз.
Владиказ
© Copyright: Марьям Алискерова, 2016
Свидетельство о публикации №116053105671
Свидетельство о публикации №116053105671
Рецензии